Konferenca shkencore dhe “Java e Albanologjisë” i ka filluar punimet e saj, më 21 qershor 2021, e cila e ka edicionit e 12-të.

Në seancën solemne folën: drejtori i Institutit Albanologjik, prof. dr. Hysen Matoshi, i cili e mbajti fjalën e hapjes; sekretari shkencor, prof. dr. Lulëzim Lajçi, i cili e bëri prezantimin e veprimtarisë botuese të Institutit për vitet 2019-2020 ( 61 botime të veçanta). Fjalë përshëndetëse mbajtën: znj. Arbërie Nagavci, ministre e Arsimit, Shkencës, Teknologjisë dhe Inovacionit; kryetari i Akademisë̈ së Shkencave të Shqipërisë, akademik Skënder Gjinushi; kryetari i Akademisë së Shkencave dhe Arteve të Kosovës, akademik Mehmet Kraja; drejtori i Institutit të Gjuhësisë dhe Letërsisë në Tiranë, prof. dr. Valter Memisha.

Në kuadër të seancës solemne të konferencës u zhvillua ceremonia e shpalljes së akademik Jani Thomait Anëtar nderi i Institutit Albanologjik. Referatin mbi veprimtarinë shkencore të akad. Jani Thomait e lexoi prof. dr. Shefkije Islamaj.

Në mungesë të pranisë fizike të akademik Jani Thomait, për arsye objektive, dekoratën e pranuan prof. dr. Valter Memisha dhe znj. Nevila Thomai, vajza e prof. Janit. Tema e sesionit të Gjuhësisë në kuadër të konferencës ishte “Zhvillimi i terminologjisë në gjuhën shqipe”. Në këtë sesion u prezantuan 22 kumtesa nga studiues të shquar të shqipes nga të gjitha trevat shqiptare dhe më gjerë. Profesori i Fakultetit të Filologjisë në Prizren, Shkelqim Millaku ka prezantuar rezultatin e tij studimor dhe shkencore, me temën: Roli i sinonimeve dhe i antonimeve në “kurrikulat” mësimore.

Konferencë Shkencore Ndërkombëtare “Profesor Emil Lafe, personalitet i shquar i gjuhësisë shqiptare”

Vlorë, 04. 06. 2021

Në Universitetin e Vlorës “Ismail Qemali”, më , u mbajt Konferenca Shkencore Ndërkombëtare kushtuar personalitetit të shquar të gjuhësisë shqiptare, Prof. Emil Lafe.

Profesor Emil Lafe është ndër emrat më të rëndësishëm të gjuhësisë shqiptare, i cili një jetë të tërë ia kushtoi gjuhës shqipe. Ai mban sot pozicionin e Kryetarit të Shoqatës së Gjuhësisë Shqiptare “Lingua Albanica”, si dhe kryeredaktor i revistës shkencore “Continuum”, revistë e Qendrës së Studimeve dhe Publikimeve për Arbëreshët (QSPA), Vlorë.

Punimet e Konferencës u zhvilluan në tri seanca paralele, ku u lexuan 32 kumtesa nga studiues të gjuhësisë e të shkencave albanologjike, midis tyre me kumtesa morën pjesë edhe dy pedagogë të Fakultetit të Filologjisë të UUHP-së: Prof. asoc. dr. Flamur Shala – “Emil Lafe për kulturën e gjuhës dhe binomin normë-kodifikim” dhe Prof. ass. dr. Xhafer Beqiraj – “Kontributi shkencor i prof. Emil Lafes në fushën e fjalëformimit”.

Profesor Emil Lafe është i njohur për Universitetin “Ukshin Hoti”, meqë disa herë mori pjesë dhe na nderoi me pjesëmarrjen e tij në veprimtari shkencore që organizoi Fakulteti i Filologjisë i UUHP-së. Urojmë ta kemi edhe në veprimtari shkencore të tjera edhe në të ardhmen!

Profesor Emil Lafes i urojmë shëndet, jetë të gjatë e punë të mbarë në veprimtarinë e tij!