Më 6 nëntor 2025, Fakulteti i Filologjisë i Universitetit “Ukshin Hoti” në Prizren, në bashkëorganizim me Institutin Shqiptar të Studimeve Kulturore (AICS), mori pjesë në konferencën virtuale me temë “Poetics of Borders in the Literature of Gazmend Kapllani.”

Ky aktivitet mblodhi studiues, profesorë dhe dashamirës të letërsisë nga vende të ndryshme, për të diskutuar mbi veprën letrare dhe qasjet filozofike të autorit Gazmend Kapllani, një ndër zërat më të veçantë të letërsisë bashkëkohore shqiptare në diasporë.
Diskutimet u fokusuan në temat e kufijve, identitetit, migrimit dhe përkatësisë, që shfaqen fuqishëm në krijimtarinë e Kapllanit dhe që përbëjnë një pjesë të rëndësishme të debatit kulturor e njerëzor të kohës sonë.

Në këtë ngjarje morën pjesë edhe përfaqësues të Fakultetit të Filologjisë, me kontribut akademik dhe reflektime mbi letërsinë si hapësirë ndërmjetësuese mes kulturave dhe gjuhëve.

Fakulteti i Filologjisë shpreh falënderim për Institutin Shqiptar të Studimeve Kulturore (AICS) dhe shkrimtarin Gazmend Kapllani për bashkëpunimin e frytshëm dhe për nxitjen e dialogut kulturor përmes letërsisë.

Letërsia është ura që lidh botët — përtej kufijve dhe gjuhëve.

#UniversitetiUkshinHoti #FakultetiFilologjisë #GazmendKapllani #AICS #PoeticsOfBorders #CulturalDialogue