Prof. Assoc. Dr. Vjollca Dibra është Dekane e Fakultetit të Filologjisë në Universitetin “Ukshin Hoti” në Prizren, si dhe profesoreshë në fushën e Letërsisë Botërore, Letërsisë së Sotme Shqipe dhe Letërsisë Krahasimtare. Ajo ka përfunduar studimet doktorale në Universitetin e Kirilj Metodij dhe një postdoktoratë në Universitetin e Grazit (Austri), me fokus në studimet kulturore dhe ndërdisiplinare.
Ka një karrierë të gjatë akademike dhe kërkimore, duke ligjëruar në fusha që përfshijnë letërsinë botërore, studimet gjinore dhe filozofinë e kulturës.
Prof. Dibra është autore e disa veprave shkencore dhe monografive, ndër të cilat veçohet botimi më i fundit “The Writer and the Man (Ezra Pound, Ivo Andrić, Peter Handke)”, si dhe një sërë artikujsh të indeksuar në Scopus dhe revista të tjera ndërkombëtare të fushës së humaniteteve.
Në rolin e saj si dekane, ajo ka udhëhequr me sukses proceset e akreditimit, zhvillimit të kurrikulave dhe projekteve ndërkombëtare në kuadër të programit Erasmus+ dhe ORCA, duke forcuar profilin akademik dhe ndërkombëtar të Fakultetit të Filologjisë.
Fushat e saj të interesit përfshijnë rolin e gruas në letërsi, raportin midis letërsisë dhe filozofisë, identitetin kulturor dhe dialogun ndërkulturor.
Prof. Dibra është gjithashtu e angazhuar në aktivitete kulturore, konferenca ndërkombëtare dhe forume studentore, ku promovon mendimin kritik, kreativitetin dhe dialogun mes universiteteve dhe komunitetit.
