Dekania e Fakultetit të Filologjisë të Universitetit “Ukshin Hoti” në Prizren, Prof. Asoc. Dr. Vjollca Dibra, zhvilloi sot një takim pune me z. Hysen Hundozi, Drejtor Gjeneral të RTK-së, dhe znj. Elvana Prekazi, Udhëheqëse e Departamentit për Strategji dhe Zhvillim në RTK.

Takimi u zhvillua në një atmosferë bashkëpunuese ku u diskutua për krijimin e urave konkrete ndërmjet Fakultetit të Filologjisë dhe RTK-së, me fokus në:

• zhvillimin e praktikave profesionale për studentët e Fakultetit;
• angazhimin e profesionistëve të RTK-së në ligjërata jashtëkurrikulare për studentët e programeve të gjuhës, komunikimit dhe gazetarisë;
• transmetimin e videove promovuese për programet studimore të Fakultetit të Filologjisë;
• si dhe organizimin e aktiviteteve të përbashkëta akademike dhe kulturore.

Takimi u vlerësua si shumë i frytshëm dhe rezultoi me përgatitjen e një Memorandumi Mirëkuptimi (MOU) që pritet të nënshkruhet në ditët në vijim, duke institucionalizuar bashkëpunimin ndërmjet dy institucioneve.

#FacultyOfPhilology #UniversityofPrizren #RTK #Collaboration #StudentPractice #MediaEducation #PublicBroadcasting #Partnership #MOU