Studime Master në Gjermani (2026/27)

Fakulteti i Filologjisë njofton studentët dhe alumnët për hapjen e thirrjes për European Scholarship Programme “You and Europe”, një program prestigjioz bursash për studentë që planifikojnë të ndjekin studimet Master të plota në Gjermani, duke filluar nga semestri dimëror 2026/27.

Programi realizohet nga Alfred Toepfer Stiftung F.V.S., në bashkëpunim me German National Academic Foundation (Studienstiftung des deutschen Volkes), dhe ka për qëllim promovimin e dialogut evropian, shkëmbimit akademik dhe krijimin e një rrjeti të fortë evropian studentësh të dalluar akademikisht dhe të angazhuar shoqërisht.

 Kush mund të aplikojë?

• Studentë nga Kosova (si dhe vende të tjera evropiane),
• Të diplomuar në nivel Bachelor (ose në përfundim),
• Studentë nga të gjitha disiplinat akademike, përveç arteve, muzikës, dizajnit, filmit dhe arteve performuese,
• Studentë që janë në 10–15% më të mirët e vitit të tyre akademik,
• Kandidatë që nuk kanë përfunduar studimet Bachelor në Gjermani,
• Studentë me interes të theksuar për temat dhe bashkëpunimin evropian.

 Çfarë ofron bursa?

• Bursë mujore sipas nevojës financiare: 300 – 1,155 €,
• Mbështetje shtesë (p.sh. sigurim shëndetësor, ndihmë familjare),
• Dy takime vjetore rrjetëzimi mbi temat evropiane,
• Pjesëmarrje në programet edukative të Studienstiftung,
• Përfshirje në një rrjet evropian studentësh të shkëlqyer.

 Afatet kryesore:

• Nominimi nga profesori/universiteti: deri më 4 shkurt 2026
• Aplikimi online: deri më 23 shkurt 2026

 E rëndësishme: Aplikimi bëhet vetëm pas nominimit nga një profesor universitar.

 Më shumë informacione dhe aplikimi: www.you-and-europe.de